In hierdie hoofstuk leer Jesus die dissipels 'n hele aantal belangrike lesse, en vertel Hy ook 'n aantal gelykenisse vir die skare.

Jesus waarsku teen die soeke na rykdom, en gee die volgende waarskuwing: "Waar julle skat is, daar sal julle hart ook wees." Jesus waarsku ons ook om te alle tye gereed te wees vir Sy wederkoms.

Op die versoek van die dissipels, leer Jesus hulle om te bid. Jesus beklemtoon ook weer die belangrikheid van die Woord van God.

Dan beland Jesus in 'n onderonsie met die Fariseërs en die skrifgeleerdes. Hy wys hulle op hul sonde en skynheiligheid, en dit maak hulle baie opstandig.

Jesus bestraf hulle, en spreek selfs 'n vloek oor hulle uit.

In Lukas hoofstuk 10 lees ons van die 72 dissipels wat Jesus uitgestuur het op 'n sending in Samaria, en ons hoor ook die gelykenis van die barmhartige Samaritaan.

ons leer ook 'n baie belangrike les as Jesus die huis van Marta en Maria besoek.

Jesus is nou op pad vanaf die berg Hermon, terug na Galilea. Op die pad, dryf Hy 'n bose gees uit 'n seun uit, kondig die tweede keer Sy eie dood aan, en leer die dissipels dat die mens se eie ego en status, nie belangrik is in die koninkryk van God nie.

Jesus vertrek na Jerusalem, en besluit om deur Samaria te reis, maar die mense in 'n Samaritaanse dorp wou Hom nie huisvesting gee nie.

Deur Sy interaksie met die mense wat by hulle is, leer Jesus ons wat nodig is, en wat ons moet doen, as ons Hom wil volg. 

Sover het ons Pinkster reeks vir hierdie jaar ingesluit: "Christelike gebed", "Bid tot die Vader", en "Bid deur Jesus Christus."

Vandag sluit ons die reeks af met "Bid in die Heilige Gees."

Ons wens julle almal 'n geseënde Pinkster Sondag toe.

Die bloed van Jesus gee ons toegang tot die Vader, en Jesus is ons Voorspraak en Advokaat by God.

Jesus leer ons om te bid, en Hy is vir ons 'n voorbeeld van gereelde en opregte gebed. En die grootste voorreg wat ons het, is om in die Naam van Jesus tot ons Vader te bid.

Verlede keer het ons geleer oor Christelike gebed.

Vandag kyk ons na gebed tot ons hemelse Vader, en gebed in geloof.

In ons Pinkster biduur en Bybelstudie reeks gaan ons hierdie jaar meer leer oor gebed. Ons wil graag leer wat gebed id en hoe om effektief te bid.

En ons wil ons in die tyd toelê op gebed om te vra dat die Heilige Gees ons weer opnuut sal vul, en besit sal neem van ons lewens. 

Jesus doen nog wonderwerke, en hy leer die dissipels en al die mense wat Hom volg.

Dan lees ons van Petrus se belydenis, en van Jesus se verheerliking op die berg.

Net daarna begin Jesus om vir die dissipels te vertel van Sy komende lyding en kruisiging.

Vandag herdenk ons die Hemelvaart van Jesus Christus, ons Verlosser.

Ons kyk na die lewe van Jesus, van voor die grondlegging van die aarde af, tot na Sy opstanding uit die dood.

In hierdie hoofstuk van Lukas leer Jesus die mense deur gelykenisse, en doen Jesus 'n aantal wonderwerke.

In hierdie gedeelte is daar weereens 'n hele aantal lewenslesse vir ons om te leer.

In hoofstuk 7 gaan Jesus voort om mense gesond te maak en om dooies op te wek. 

Jesus antwoord ook 'n vraag van 'n ongeduldige Johannes die Doper, en Hy gaan eet aan die huis van Simon die Fariseër, waar Hy 'n sondige vrou se sondes vergewe.

Jesus genees die man met die gebreklike hand, en dan kies Hy sy twaalf apostels nadat Hy die hele nag lank tot Sy Vader gebid het.

Dan lees ons weer die bergrede van Jesus, waar Hy vir ons 'n groot klomp kosbare lesse leer.

Jesus roep sy eerste dissipels om Hom te volg, naamlik Simon Petrus, Jakobus en Johannes. Jesus genees ook 'n melaatse man en 'n verlamde man.

Dan roep Jesus die tollenaar Levi, oftewel Matteus, om Hom te volg.

Na Sy doop word Jesus deur die duiwel versoek in die woestyn. Drie maal probeer die duiwel om vir Jesus sover te kry dat Jesus hom moet aanbid en gehoorsaam, maar telkens gebruik Jesus skrifgedeeltes om die versoeking van die duiwel te weerstaan.

Daarna begin Jesus om die mense te leer in die sinagoges. Eers in Nasaret, sy tuisdorp, waar die mense Hom verwerp, Hom uit die dorp uitjaag, en selfs dreig om Hom dood te maak.

Jesus preek ook in Kapernaum, waar Hy Simon Petrus se moeder genees het, en ook 'n bose gees uit 'n man verdryf het, sodat hy weer gesond was.

Tydens ons Paas diens hierdie Vrydag, gaan ek en ses ander persone elkeen 'n 7-minute boodskap lewer oor een van Jesus se sewe kruiswoorde.

My opdrag is om te praat oor Johannes 19 vers 28 waar Jesus sê: Ek is dors.

Ek deel graag my kort Paas boodskap met julle, en dit dien dan ook sommer as ons Boekevat Paas boodskap.

Johannes die Doper kry die opdrag van die Here om te begin met sy bediening, en hy doop ook vir Jesus.

Jesus bid tot God, en ontvang die Heilige Gees, en die goedkeuring van Sy Vader in die hemel.

Ons leer ook meer uit die geslagsregister van Jesus.

Vandag lees ons van die geboorte en besnydenis van Jesus, en ons lees van die herders in die veld en die engelekoor wat Jesus se koms aangekondig het.

Ons lees van Simeon en Anna in die tempel, en dat hulle gevul was met die Heilige Gees. 

Ons lees ook die besondere verhaal van Jesus op 12-jarige ouderdom in die tempel. 'n Verhaal wat slegs in Lukas se evangelie vir ons opgeteken is.

Hoofstuk 1 sluit af met Maria se besoek aan Elisabet, en haar loflied aan die Here.

Dit vertel ons ook van die geboorte van Johannes die Doper, en van Sagaria se loflied aan die Here.

In hierdie gedeelte kom ons onder die indruk van die kragtige teenwoordigheid van die Heilige Gees in die lewens van die kinders van die Here.

Ons begin vandag met die evangelie volgens Lukas, en ons gaan lees van die aankondigings van twee geboortes, naamlik die van Johannes die Doper, en die van Jesus Christus.

Vandag gee Petrus ons weer die versekering van Jesus se wederkoms, en waarsku hy ons om gereed te wees daarvoor.

Hy waarsku weer teen die vals leraars en beginsellose mense wat 'n verkeerde uitleg van die skrif gee. Hy sluit sy brief af deur ons aan te spoor om toe te neem in die genade en die kennis van ons Here en Verlosser, Jesus Christus.

Petrus waarsku die gemeentes, en vir ons vandag, teen die vals leraars en die dwaalleer wat hulle verkondig. Ons word aangemoedig om te volhard in die geloof, en om getrou te bly aan die Weg van die waarheid.

Ons begin vandag met die tweede brief van die apostel Petrus aan die uitverkorenes in Klein-Asië.

Die hoofstuk handel meestal oor die Christene se geloof en hulle kennis van God en van Jesus Christus, en hulle word aangespoor tot liefde vir alle mense.

Petrus sluit sy brief af met die bemoediging aan die Christene wat vervolg word, en met die opdrag aan die ouderlinge wat die gemeentes moet bedien.

Hy sluit die brief af met die versekering dat die beginsels wat hy in die brief oorgedra het, die ware genade van God is.

Ons leer vandag meer oor die gesagstrukture van die Here, met verwysing na die verhouding tussen man en vrou in die huwelik. Ons leer ook hoe elkeen homself moet gedra in die samelewing.

Verder leer ons dat dit 'n voorreg is om te ly ter wille van ons geloof in Jesus Christus, en ons getuienis vir Hom.

Jesus, die steen wat deur die bouers verwerp is, die Verlosser wat deur die mense gekruisig is, het die Hoeksteen van ons geloof geword.

As kinders van God is ons burgers van die koninkryk van Jesus, en daarom is ons vreemdelinge en bywoners hier op aarde. Ons leef met die vooruitsig van ons ewige tuiste by ons Hemelse Vader.

Petrus begin deur ons verlossing te beskryf op grond van ons egte geloof: Geloof wat getoets is deur vervolging en beproewing, soos wat goud gesuiwer word deur vuur.

Hy beskryf ons verlossing op grond van die kosbare bloed van Jesus Christus, 'n heilige lewe, en die lewende en ewige woord van God.

Nou is Kersfees verby. Dit was die eerste koms van Jesus Christus.

Nou sien ons uit na Sy tweede koms, Sy wederkoms. Ons leef in die eindtyd, en ons sien al die tekens waarvan Jesus ons vertel het, daarom kan ons ons hoop vestig op Sy belofte dat Hy weer sal kom om Sy Bruid te kom haal.

Dit is Kersfees tyd, en vandag lees ons die Kersboodskap soos dit vir ons in die Bybel opgeteken is.

Ons gaan lees van die voorspellings van die profete van ouds, en ook die Kersverhaal in die evangelies van Lukas en Johannes.

Mag dit vir almal wat saam met ons lees en luister, 'n geseënde Kerstyd wees!

Jakobus sluit sy brief af met 'n paar belangrike boodskappe.

Eerstens rig hy 'n waarskuwing aan die rykes in die gemeentes, om eerder vir hulle skatte bymekaar te maak in die hemel.

Dan spoor hy die broers aan om te volhard in die geloof. Om te volhard totdat die Here weer kom. Hy waarsku ook teen die aflê van 'n eed.

Laastens beklemtoon hy die krag van 'n gelowige gebed. Kom lees en leer saam met ons uit hierdie brief, sodat ons dit sal doen tot eer van die Here.

In hierdie episode leer ons oor die stryd wat ons voer teen hoogmoed en selfsugtige begeertes, en ons leer ook weer om ons tong te beheer, en nie kwaad te praat van ander nie, en ook om mekaar nie te oordeel nie. Daar is net een Wetgewer en net een Regter, en dit is die Here.

Ons leer ook van ons afhanklikheid van God, en dat ons Sy wil in ag moet neem in al ons besluite en toekomplanne.

"So is die tong ook maar 'n klein liggaamsdeeltjie, en tog het dit groot mag."

Die tong is soos 'n vuur. As dit buite beheer is, kan dit ons hele lewe aan die brand steek. Die bybel waarsku ons daarteen, maar die bybel gee ook vir ons raad oor hoe ons die probleem kan oorkom.

Jakobus leer ons ook in hierdie hoofstuk, dat daar twee soorte wysheid is. Kom lees en luister saam met ons om meer uit te vind.

Jakobus leer ons om nie ons medemens te oordeel volgens die uiterlike nie. Ons leer ook van die beginsel van 'n mens se koninkrykswaarde.

Dan leer ons van die beginsel ban "geloof in aksie." Geloof wat dood is as dit nie aanleiding gee tot goeie werke nie.

Kom lees en luister saam met ons om meer te leer uit hierdie praktiese brief van Jakobus. 

Hoe bepaal ek die waarde van myself en van my medemens? Armoede, rykdom, beroemdheid? Kom ons lees wat sê Jakobus daarvan.

En wat is die kenmerke van 'n egte en suiwer godsdiens? Ons leer dit ook uit hierdie gedeelte.

Die brief van Jakobus, aan die twaalf stamme wat oor die wêreld versprei is.

Jakobus vertel ons dat die Here ons toets en beproef, en hy leer ons hoe om te reageer daarop, en wat om te doen daarmee.

Ons lees vandag die laaste hoofstuk van die evangelie volgens Markus. Die boek sluit af met Jesus se opstanding en Hemelvaart. Ons lees ook ban Jesus se sending opdrag. Kom lees en leer gerus saam met ons.

Jesus word deur Pilatus verhoor, Hy word ge-gesel en gespot, Hy word gekruisig en begrawe.

Dit is 'n hartseer dag vir Jesus se volgelinge, maar hulle moet onthou dat Sondag naby is, en dan sal Jesus weer by hulle wees!

In Markus 14 word Jesus se dood beplan, Hy word gesalf, vier die Paasfees en stel die nagmaal in. Daarna gaan Jesus en Sy dissipels na Getsemane waar Hy verraai word en gevange geneem word.

Markus 13 is Jesus se profetiese rede, waar Hy ons leer van die wegraping, die groot verdrukking en van Sy wederkoms.

Jesus leer ons van al die tekens waarop ons moet let om te weet dat Sy koms baie naby is.

Eers vertel Jesus die gelykenis van die landbouers en die wingerd, en daarna antwoord hy die kerkleiers se vrae.

Vrae oor belasting, oor die grootste gebod, en oor die ewige lewe. Jesus bewonder ook die arm weduwee wat so'n groot offergawe in die skatkis gegooi het.

Vandag lees ons van Jesus se intog in Jerusalem. Na 3 jaar se bediening in Galilea en die noordelike streke van Israel, is Jesus nou hier in Jerusalem om Sy aardse bediening af te sluit.

Wanneer Hy Jerusalem binnekom is daar 'n groot skare wat Hom eer en prys en uitroep "Hosanna!" Maar in die tempel is die priesterhoofde en skrifgeleerdes nog steeds besig om Sy dood te beplan.

Vandag leer Jesus ons oor egskeiding, oor aardse besittings en rykdom, en weer oor die belangrikheid om mekaar te dien.

Kom lees en leer gerus saam met ons uit Markus hoofstuk 10.

Ons lees vandag van Jesus se verheerliking op die berg en die genesing van 'n seun. Ons leer ook 'n paar belangrike lesse, soos: "As iemand die eerste wil wees, moet hy die heel laaste en almal se dienaar wees." En ook: "Wie nie teen ons is nie, is vir ons," Kom lees saam met ons en vind uit waaroor hierdie wyshede gaan.

Jesus bereik 'n draaipunt in Sy bediening hier in hoofstuk 8 en 9. Na ongeveer twee en 'n half jaar se prediking en wonderwerke in die omgewing van die see van Galilea, reis Jesus noord na Sesarea-Filippi aan die voet van die berg Hermon.

Daar, vir die eerste keer, erken Petrus en die dissipels vir Jesus as die Christus, die Seun van die lewende God.

Jesus het ook weer 4000 mense kos gegee met net sewe brode en 'n paar vissies, en Hy het ook nog 'n blinde man gesond gemaak.

Kom lees en luister gerus saam met ons.

Jesus leer ons oor die krag, maar ook die gevaar, van tradisies en gewoontes in die lewe van Christene en van Christen gemeentes. Jesus leer ons dat dit nie kos is wat ons onrein maak nie, maar dat onreinheid kom deur die optrede wat spruit uit 'n onrein hart. Dan gaan Jesus voort om ons nog lesse te leer deurdat Hy nog mense gesond gemaak het.

“'n Profeet word oral erken behalwe in die plek waar hy grootgeword het, en in sy familiekring en sy gesin.” Dit is ook die ervaring van Jesus in Sy tuisdorp, Nasaret.

Jesus stuur die twaalf apostels uit op hul eerste sending reis, en ons lees ook die geskiedenis van die dood van Johannes die Doper.

Verder doen Jesus nog wonderwerke en maak Hy nog mense gesond, en in al hierdie aktiwiteite van Jesus is daar vir ons belangrike lesse om te leer.

Vandag lees ons van 3 van Jesus se bekende wonderwerke. Drie mense, elkeen met hul eie verhaal van siekte en hartseer. Drie mense wie se geloof in Jesus so groot was dat dit hulle uit hul ellende gered het, maar meer nog, dat dit gelei het tot hul bekering. Drie wonderwerke wat ons leer van Jesus se almag, Sy deernis en Sy genade.

Jesus begin om die mense te leer met gelykenisse: Die gelykenis van die saaier en die gelykenis van die mosterdsaad. Jesus beveel ons ook om te luister na die boodskap wat Hy verkondig, en om te verstaan wat dit beteken. daarna bevind Jesus en Sy dissipels hulle in 'n skuit op die see van Galilea, in die middel van 'n hewige storm. Jesus maak die storm stil en roep Sy dissipels op tot geloof. Hier is baie om te leer uit hierdie hoofstuk. Kom lees en luister gerus saam met ons.

Jesus genees die man met die gebreklike hand, en die Fariseërs en Herodiane smee 'n komplot om vir Jesus dood te maak. Die twaalf apostels word uitgekies en amptelik aangestel deur Jesus, sodat Hy hulle kon uitstuur om te preek.

Jesus se familie is bekommerd oor Hom en wil Hom kom haal terug huis toe, maar Jesus doen nou die werk van Sy hemelse Vader, en Hy kondig aan dat Sy kerk van nou af Sy familie sal wees.

Jesus leer ons ook van die onvergeeflike sonde: Die sonde om te laster teen die Heilige Gees.

Jesus leer vir die skrifgeleerdes, en vir Sy volgelinge, en vir my en jou vandag, belangrike lesse in hierdie hoofstuk. Hy leer vir ons dat vergifnis van sonde belangriker is as 'n gesonde liggaam. Ons leer dat Jesus nie net Seun van God is nie, maar dat Hy self ook God is wat sondes kan vergewe. Ons leer dat die Seun van die mens die Here is, ook oor die sabbat, en dat die sabbatdag vir die mens gemaak is as rusdag, en gemaak is om God te eer. 

Terug by die evangelies, begin ons vandag met die evangelie volgens Markus. Die evangelie begin met die bediening van Johannes die Doper, en ook die doop van Jesus. Jesus roep Sy eerste dissipels, begin om te preek en om mense te genees. Markus skryf die evangelie op grond van die inligting wat hy by Petrus kry, en net soos Petrus, het Markus 'n unieke manier om ons te vertel van die lewe en werk van Jesus. Kom lees en luister gerus saam met ons!

Ons het aan die einde gekom van die brief aa Titus, en so ook aan die einde van die drie pastorale briewe van Paulus. Ons het baie geleer oor ons verpligtinge en verantwoordelikhede binne die gemeente, die noodsaaklikheid van gebed, ons diens aan die Here, en nog baie meer.

Paulus verduidelik aan Titus, en so ook aan die gemeente in Krete, en so ook aan ons vandag, die gesonde leer van Jesus Christus. Ons lewens moet 'n positiewe en opbouende invloed op ons gemeenskap hê. Die mense rondom ons moet die Woord van God in ons lewens kan raaksien, sodat hulle niks sal kan sê teen die goeie leer van Jesus nie.

Paulus begin sy pastorale brief aan Titus met die bekende manier waarop Paulus altyd sy leser groet: Hy stel homself voor as dienaar van God en apostel van Jesus Christus. Dan gee hy aan Titus die opdrag om ouderlinge aan te stel. en beskryf die eienskappe van 'n ouderling. Hy waarsku ook weereens teen bekeerlinge wat in opstand kom teen gesag, en wat mense verlei.

In Jerusalem is dit tyd vir Shavuot, die Fees van Weke, en die stad is in rep en roer. Duisende Jode het van regoor die wêreld gekom om die fees te vier. Die tyd het ook aangebreek vir die uitstorting van die Heilige Gees waarvoor Jesus se dissipels noun al tien dae wag. Dit is die tyd wat die kerk van Jesus op aarde tot stand gekom het, en dit gaan gepaard met tekens en wonderwerke!

Vandag lees ons van Salomo se gebed vir gehoorsaamheid en vir insig om die volk te regeer as koning. Sy gebed word verhoor, en in God se goedheid geen Hy ook vir Salomo rykdom en eer. Maar later het Salomo gedoen wat verkeerd is in die oë van die Here, en die toorn van die Here het teen Salomo ontvlam!

Die gebed van Elia vir reën in Israel. Elia leer ons om te glo wanneer ons bid. Elia leer ons om aan te hou bid. Elia leer ons om te vertrou op die beloftes van die Here. Ons leer dat God getrou en regverdig is, en dat God ons gebede sal verhoor.

In 1 Samuel lees ons dat Hanna tot die Here gebid het in haar nood en hartseer, en dat die Here haar gebed verhoor het. Sy het 'n gelofte afgelê, en sy het getroue gebly aan haar gelofte. Dan lees ons Hanna se pragtige dankgebed in 1 Samuel hoofstuk 2.

Ons tema vir die week is Gebed. Vandag kyk ons na Jesus se intieme en persoonlike gebed in Getsemane. Ons kry ook die opdrag om nie te slaap nie, maar om te waak en te bid.

Ons  herdenk Pinkster hierdie week deur 'n reeks bybelstudies met die tema: Gebed. Vandag kyk ons na Jesus se model gebed, die Onse Vader.

Wanneer Jesus opvaar na die hemel, belowe Hy om altyd by ons te wees, Hy belowe dat ons met die Heilige Ges gedoop sal word, Hy belowe dat ons krag sal ontvang om Sy getuies te wees. As ons eensgesind volhard in die gebed, sal hierdie beloftes vir ons waar word gedurende hierdie Pinkstertyd. 

Paulus gee sy laaste en belangrike opdrag aan Timoteus: "Verkondig die woord; hou daarmee vol, tydig en ontydig;" Al sal die mense die gesonde leer nie meer verdra nie, al sal hulle vir hulle leermeesters bymekaar maak wat net sal sê wat hulle graag wil hoor, moet ons ons werk doen as verkondigers van die evangelie. Paulus lewer 'n treffende persoonlike getuienis, en sluit dan af met 'n aantal persoonlike versoeke en gedagtes.

Paulus leer ons van die swaar tye wat sal kom in die laaste dae, en dan gee hy sy laaste opdragte aan Timoteus. "Die kennis van die heilige Skrif lei tot verlossing deur die geloof in Jesus Christus." Dit is die boodskap aan my en jou vandag.

'n Christen is 'n goeie soldaat vir Christus, 'n atleet wat volgens die reëls deelneem, en 'n boer wat hard werk om die oes in te bring. Dan sal die kennis vermenigvuldig en die evangelie aan almal verkondig word. Dan sal ons bruikbaar wees in die huis van die Here, voorberei vir enige goeie diens.

Paulus skryf sy tweede brief aan Timoteus terwyl hy 'n gevangene is in die tronk in Rome. Dit is 'n baie emosionele brief omdat Paulus verlang om weer vir Timoteus te sien, maar omdat hy weet dat hy aan die einde van sy lewe gekom het en nie weer lewendig uit die tronk sou kom nie.

In hierdie hoofstuk leer ons van die Christelike plig van alle werknemers, en ook weer meer oor die vals leerstellings binne die kerk van Jesus. Paulus lê klem op die gevare van geldgierigheid, en spoor ons aan om ryk te wees in goeie dade.

Vandag lees ons verder oor die herderlike vermaning van Paulus aan Timoteus. Byvoorbeeld, hoe om ouer mense sowel as jonger mense te behandel, naamlik met respek en eerbied. Ons leer ook van die taak van die weduwees in die gemeente, sowel as die gemeente se plig om hulle te versorg.

Paulus waarsku teen die dwaalleraars en teen die afvalligheid wat in die eindtyd sal vermeerder. Hy gee ook vir Timoteus riglyne om 'n goeie dienaar van Christus Jesus te wees, riglyne waarop ons ons ook vandag moet toelê.

Ons leer oor voorbidding vir ons medemens, en veral vir die regering en mense wat gesag uitoefen. Ons leer ook van die pligte van mans en vroue en ouderlinge en diakens in die christelike gemeente.

Paulus skryf 'n pastorale brief aan die jong Timoteus, om hom te onderrig en te ondersteun as leraar in die gemeente in Efese. 

Vandag lees ons die laaste hoofstuk van die evangelie van Matteus. Ons lees van Jesus se opstanding uit die dood, Sy verskyning aan Sy volgelinge, en die laaste en belangrike opdrag aan die dissipels. Maar ons leer ook 'n les oor die mag van 'n leuen.

Die mense moes kies: Jesus Barabbas of Jesus Christus. Pilatus laat Jesus gesel, en dan word Jesus gekruisig en begrawe.

In hierdie gedeelte word die nagmaal ingestel deur Jesus. Dieselfde nagmaal wat ons vandag nog vier. Maar terselfdertyd word Jesus se dood beplan deur die priesterhoofde en familiehoofde van die kerk. Dan word Jesus verraai, gevange geneem en verskyn voor die Joodse Raad. Die hoofstuk eindig met Petrus wat vir Jesus drie maal verloën voordat die haan kraai.  

Hierdie is die tweede deel van die profetiese rede waar Jesus gelykenisse vertel om te verduidelik hoe dit in die koninkryk van die hemel sal wees aan die einde van die tyd. Die gelykenis van die tien meisies met hul olielampe, en die gelykenis van die muntstukke. Jesus sluit Sy rede af met die belangrike profesie oor die laaste oordeel.

Vandag begin ons met 'n gedeelte wat algemeen bekend staan as die "Profetiese Rede" van Jesus. Hy is op die Olyfberg saam met Sy dissipels, en Hy antwoord hulle vrae oor die toekoms, en oor die tekens van die eindtyd. Hierdie profetiese preek van Jesus is vir ons vandag net so belangrik as wat dit was vir Sy dissipels.

As gevolg van hul ontrouheid, hoogmoed en selfsug, spreek Jesus 'n reeks vervloekings uit oor die Fariseërs en skrifgeleerdes. Hy waarsku ook Sy volgelinge en dissipels teen die vals leer van die kerkleiers. Jesus is hartseer oor die komende vernietiging van Jerusalem, wat gaan gebeur as gevolg van Sy volk se ontrou en ongeloof.

Jesus is op Sy lydensweg en maak gereed om gekruisig te word. Vir oulaas leer Hy nog Sy dissipels en volgelinge met 'n profetiese gelykenis. Maar steeds probeer die skrifgeleerdes en Fariseërs om Hom vas te trek met strikvrae.

In vandag se bybelstudie kyk ons na 'n baie belangrike gebeurtenis, naamlik Jesus se intog in Jerusalem, of wat die kerk van vandag vier as Palm Sondag. Ons lees ook van Jesus wat die tempel reinig en die vyeboom vervloek. Intussen probeer die priesterhoofde en skrifgeleerdes nog steeds om Jesus van te trek met allerhande vrae. In Sy gesprek met die kerkleiers vertel Hy vir hulle twee gelykenisse, wat hulle so ontstel dat hulle Hom weereens gevange wou neem. Hulle doen dit egter nie, omdat hulle te bang was vir die reaksie van die skare.

Vandag vertel Jesus ons die gelykenis van die arbeiders in die wingerd: "So sal die laastes eerste wees, en die eerstes laaste." Jesus kondig weer Sy dood en opstanding aan, maar die dissipels stry nog steeds oor wie van hulle die belangrikste gaan wees in die koninkryk van die hemel. Dan genees Jesus weer twee blinde mans, nie net van hul fisiese blindheid nie, maar ook van hul geestelike blindheid.

In hierdie gedeelte voer Jesus 'n gesprek met die Fariseërs en met Sy dissipels oor egskeiding. Dan seën Jesus die kindertjies, en antwoord die vraag van die ryk jongman: "Watter goeie daad moet ek doen om die ewige lewe te verkry?"

"Wie is die belangrikste in die koninkryk van die hemel?" Dit is die vraag wat Jesus breedvoerig vir ons antwoord in hierdie hoofstuk. Ook die vraag van die verhouding tussen Christene en ons plig om te vergewe. Jesus leer ons presies wat Hy van ons as Sy kinders verwag.

Vandag leer ons die volgende: Jesus word verheerlik op die berg in die teenwoordigheid van Petrus en Jacobus en Johannes, asook Moses en Elia! Jesus genees 'n geestelik versteurde seun, dan kondig Hy weereens sy eie dood en opstanding aan. En dan die interessante vraag oor die tempelbelasting, en Jesus se eienaardige manier om voorsiening te maak daarvoor.

Terwyl die skrifgeleerdes nog steeds besig is met hul streke, word Jesus aan Sy dissipels geopenbaar as die Christus, die Messias waarop hulle gewag het. Maar Jesus skok hulle as Hy vir die eerste keer verduidelik dat Hy doodgemaak gaan word. En wat moet ons doen as ons vir Jesus wil volg?

Die gevaar van gebruike en tradisies van die verlede, asook die sosiale veranderinge in vandag se tyd: Is dit belangriker as die woord van God? Wat gaan ons glo en waaraan gaan ons getrou wees?

Ons lees van die dood van Johannes die Doper, die vermeerdering van die brood, Jesus loop op die see en later genees Hy die mense in Gennesaret.

Jesus leer ons met behulp van gelykenisse, en daarmee maak hy die koninkryk van die hemel aan ons bekend. Gelykenisse maak dit vir ons maklik om die geheimenisse van die Woord van God te verstaan, maar ons sal sien dat die mense wat Hom die beste ken, Sy vriende en familie, Hom nog steeds verwerp. 

"Die Seun van die mens is immers Here oor die sabbat." Jesus leer ons oor die sabbatsbeginsels terwyl Hy siekes gesond maak en die mense rondom Hom leer. Alhoewel die Farriseers rede soek om Jesus aan te kla en dood te maak, keer dit Hom nie om die koninkryk van die hemel te verkondig nie!

Jesus antwoord die vraag van Johannes die Doper, naamlik: "Is U die een wat sou kom, of moet ons 'n ander een verwag?" Dan spreek Jesus 'n vloek uit oor die dorpe waaar hy gepreek het omdat hulle Sy boodskap verwerp het. Laastens rig Jesus 'n uitnodiging aan Sy volgelinge, en ook aan my en jou vandag.

Jesus gee opdragte aan Sy dissipels voordat Hy hulle uitstuur om sendingwerk te gaan doen. Dit is opdragte wat vir ons ook geld, omdat ons Jesus se dissipels is in vandag se wereld.

In hoofstuk 9 beskryf Matteus vir ons nog 'n aantal van Jesus se wonderwerke in die omgewing van Kapernaum. Hy beskryf ook vir ons die dag toe sy eie lewe onherroepelik verander is, die dag toe Jesus vir hom se: Volg My!

Aan die einde van die bergrede gaan Jesus na Kapernaum en na Gadara. Op Sy pad maak Jesus mense gesond en dryf Hy bose geeste uit. Dit lok 'n verskeidenheid van reaksies uit by die mense rondom Jesus.

Hierdie is die laaste van 3 hoofstukke waarmee Matteus die Bergrede van Jesus afsluit. Die episode bevat weereens 'n groot aantal bybelse beginsels en waarhede wat ons moet leer, verstaan en in ons lewens toepas.

Hierdie is deel 2 van die bergrede van Jesus. Dit gaan oor hulp aan die armes, gebed en vas, skatte en Mammon, en oor die sorge van die lewe. Dit gaan oor belangrike lewenslesse wat elkeen van ons daagliks raak.

Hierdie is die eerste van 3 hoodstukke waar Matteus die bergrede van Jesus vir ons weergee. In hoofstuk 5 beskryf Jesus vir ons hoe 'n christen, of dissipel van Jesus, se lewe behoort te lyk. Dit is 'n hoofstuk ryk aan kennis en waarheid. Dit beskryf 'n leefwyse wat elke christen moet nastreef.

Jesus weerstaan die duiwel se versoeking in die woestyn, Hy roep die eerste disipels om hom te volg en dan begin Hy Sy openbare prediking in Galilea. Bring jou bybel en kom, laat ons boekevat.

Johannes die Doper - 'n kontroversieele dog interessante figuur, die laaste profeet van die ou bedeling wat die pad vir Jesus kom gelyk maak sodat Jesus 'n nuwe verbond met die mensdom kan kom vestig. Jesus word gedoop met die bevestiging dat Hy die Seun van God is.

In hierdie aflewering kyk ons na die besoek van die sterrekykers uit die ooste, die kindermoord deur koning Herodes, en Jossef wat met sy gesin vlug na Egipte.

In hierdie episode kyk ons na die geslagsregister van Jesus deur die voorgeslagte van Josef, asook na die gebeure rakende die geboorte van Jesus.

In hierdie episode praat ons vlugtig oor ons wereldbeskouing en doen ons 'n kort inleiding tot die vier Evangelies.
Kontak my gerus op my email: jansmit54@icloud.com vir meer inligting of met kommentaar op die boodskap.

Welkom by: Laat ons Boekevat!
Alle Afrikaanssprekendes is welkom om by ons aan te sluit vir hierdie bybelstudie reeks waar ons beplan om vers-vir-vers en boek-vir-boek deur die Bybel te werk.
Vir meer inligting kontak my gerus per email by: jansmit54@icloud.com