Gagnarök

OpenAI kynnir Sora - Texti verður að myndbandi

Tue, 16 Apr 2024 10:00:00 +0000

Í þessum þætti af Gagnarök fjalla Ómar, Arnar og Alicja um nýjasta útspilið frá OpenAI.

Alicja Lei er sérfræðingur í skilaboðum og efnisgerð hjá Digido ásamt því að vera einn mesti reynslubolti landsins í B2B sölu- og markaðsmálum. Alicja kemur frá Bandaríkjunum og er þátturinn að þessu sinni á ensku - í fyrsta sinn!

Flest þekkjum við ChatGPT og notum jafnvel daglega til að svara spurningum um allt milli himins og jarðar. Mörg okkar nota einnig DALL-E 2 sem getur breytt texta í myndir.

Saman hefur þessi virkni hjálpað markaðsfólki með fjölmarga hluti, svo sem hugmyndavinnu, textasmíði, laga texta, rannsóknarvinnu, búa til myndefni ofl.

Nú í febrúar kynnti OpenAi nýjungina - SORA - og er tilgangurinn með þessari nýju virkni að gera notendum kleift að breyta texta í myndband - markaðsfólki til mikillar ánægju.

Í þættinum köfum við ofan í:

Hvað er Sora?
Hvernig er það öðruvísi en ChatGPT og Dall-E 2?
Hvernig mun Sora virka?
Hvernig verður hægt að nota Sora?
Hvað ber framtíðin í skauti sér?

UM HLAÐVARPIÐ
Gagnarök er brakandi ferskt hlaðvarp á vegum gagnadrifnu markaðsstofunnar Digido. Í hlaðvarpinu skiptast fjölskyldumeðlimir Digido á að afhjúpa sinn innri nörd í lifandi umræðum um markaðsmál framtíðar, fortíðar og líðandi stundar.

Hlustendur hlýða á umræður um þau tól, tæki og strategíur sem stuðla að árangursríkum markaðsaðgerðum og eins og góðu hlaðvarpi sæmir mun skrjáfa í froðu-snakkpokanum endrum og eins.

Myndbrot úr þáttunum finnur þú hér:
https://www.linkedin.com/company/digidomarketing
https://www.instagram.com/digidomarketing
https://www.facebook.com/digidomarketing

ÍMARK dagurinn & Lúðurinn 2024

Thu, 28 Mar 2024 00:00:00 +0000

Umfjöllunarefnið að þessu sinni er Lúðurinn & ÍMARK dagurinn - uppskeruhátíð markaðsfólks á Íslandi sem haldin var þann 1. mars 2024 í Háskólabíó.

Þeir Ómar Þór og Andri Már draga andann djúpt og kafa ofan í þetta helsta:

Áhugaverðustu molana úr fyrirlestrum dagsins
Árangursríkustu herferð ársins
Rjúkandi heitar niðurstöður úr markaðskönnun Maskínu
Valið á markaðsfyrirtæki ársins
Hvaða auglýsingar báru sigur úr býtum á Lúðrinum

Spurningakeppni auglýsingastofa | Úrslit

Fri, 01 Mar 2024 11:00:00 +0000

Spennan í spurningakeppni auglýsingabransans 'Augljóst' er í algleymingi.

Hér & Nú og Tvist etja kappi í sjálfri úrslitaviðureigninni. Ótrúleg viðureign þar sem spennan er við völd fram að síðustu spurningu.

Hlustun er sögu ríkari.

Spurningakeppni auglýsingastofa | Tvist vs. Pipar | 4 liða úrslit

Wed, 28 Feb 2024 10:00:00 +0000

Spennan í spurningakeppni auglýsingabransans 'Augljóst' er í algleymingi.

Tvist og Pipar etja kappi í undanúrslitum í hörkuviðureign þar sem m.a. er spurt út í Markaðsfræði 101, frægar vörumerkjabreytingar og auglýsingar í gamanþáttum.

Hlustun er sögu ríkari.

Spurningakeppni auglýsingastofa | Hér & Nú vs. Cirkus | 4 liða úrslit

Wed, 28 Feb 2024 10:00:00 +0000

Spennan í spurningakeppni auglýsingabransans 'Augljóst' er í algleymingi.

Hér & Nú og Cirkus etja kappi í undanúrslitum í hörkuviðureign þar sem stofurnar eru m.a. spurðar út í sína eigin kúnna, slagorðabreytingar og auglýsingaherferðir frá árinu 2004.

Hlustun er sögu ríkari.

Spurningakeppni auglýsingastofa | Cirkus vs. Kiwi | 8 liða úrslit

Tue, 27 Feb 2024 11:00:00 +0000

Spurningakeppni auglýsingabransans 'Augljóst' heldur áfram.

Cirkus og Kiwi etja kappi í 8-liða úrslitum þar sem m.a. er spurt út í Ólympíuleikana, YouTube rásir og Rómverska heimsveldið.

Hlustun er sögu ríkari.

Spurningakeppni auglýsingastofa | Kontor vs. Hér & Nú | 8 liða úrslit

Mon, 26 Feb 2024 08:00:00 +0000

Spurningakeppni auglýsingabransans 'Augljóst' heldur áfram.

Kontor og Hér & Nú eigast hér og nú við í 8-liða úrslitum þar sem m.a. er spurt út í vinsældir á Instagram, vinsæl nöfn og fræg mottó

Hlustun er sögu ríkari.

Spurningakeppni auglýsingastofa | Hvíta Húsið vs. Tvist | 8 liða úrslit

Sun, 25 Feb 2024 09:00:00 +0000

Spurningakeppni auglýsingabransans 'Augljóst' heldur áfram.

Hvíta Húsið og Tvist eigast við í 8-liða úrslitum þar sem m.a. er spurt út í íslenska áhrifavalda, vinsæla kokteila og internetslangur

Hlustun er sögu ríkari.

Spurningakeppni auglýsingastofa | Pipar vs. Aldeilis | 8 liða úrslit

Fri, 23 Feb 2024 09:00:00 +0000

Spurningakeppni auglýsingabransans 'Augljóst' heldur áfram.

Nú er komið að viðureign Pipar og Aldeilis í 8-liða úrslitum þar sem m.a. er spurt út í klassískar Superbowl auglýsingar, bannaðar auglýsingar og Covid-19.

Hlustun er sögu ríkari.

Spurningakeppni auglýsingastofa | Sahara vs. Aldeilis | 16 liða úrslit

Thu, 22 Feb 2024 09:00:00 +0000

Við kynnum til leiks spurningakeppni auglýsingabransans 'Augljóst'. Spurningakeppnin er útsláttarkeppni þar sem 16 auglýsingastofur keppast um að vera handhafi verðlaunagripsins Lúðarnir.

Nú er komið að viðureign Sahara og Aldeilis í 16-liða úrslitum.

Áhersla á laufléttar og skemmtilegar spurningar um allt milli himins og jarðar með stöku auglýsingaspurningum á milli.

Spurningakeppni auglýsingastofa | Hvíta Húsið vs. Kvartz | 16 liða úrslit

Tue, 20 Feb 2024 10:00:00 +0000

Við kynnum til leiks spurningakeppni auglýsingabransans 'Augljóst'. Spurningakeppnin er útsláttarkeppni þar sem 16 auglýsingastofur keppast um að vera handhafi verðlaunagripsins Lúðarnir.

Nú er komið að viðureign Hvíta Hússins og Kvartz í 16-liða úrslitum.

Áhersla á laufléttar og skemmtilegar spurningar um allt milli himins og jarðar með stöku auglýsingaspurningum á milli.

Spurningakeppni auglýsingstofa | Pipar vs. Vorar | 16 liða úrslit

Thu, 15 Feb 2024 14:00:00 +0000

Við kynnum til leiks spurningakeppni auglýsingabransans 'Augljóst'. Spurningakeppnin er útsláttarkeppni þar sem 16 auglýsingastofur keppast um að vera handhafi verðlaunagripsins Lúðarnir.

16-liða úrslitin byrja á viðureign Pipar/TBWA og Vorar.

Áhersla á laufléttar og skemmtilegar spurningar um allt milli himins og jarðar með stöku auglýsingaspurningum á milli.

Hlustun er sögu ríkari.

Hvernig notum við Video & Vefvörp í B2B | Kristján Einarsson, markaðsstjóri Treble Technologies

Thu, 18 Jan 2024 12:00:00 +0000

Gestur þáttarins er Kristján Einarsson, markaðsstjóri B2B nýsköpunar- og hugbúnaðarfyrirtækisins Treble Technologies.

Treble sérhæfir sig í hugbúnaði sem er að breyta því hvernig verkfræðingar og arkitektar beita hljóðhermun. Treble hafa verið að gera það virkilega gott og í dag eru meðal fremstu tæknifyrirtæki heims að nýta lausnir þeirra.

Kristján Einarsson er einn reynslumesti markaðsmaður landsins og ekki síst þegar kemur að B2B markaðsmálum, auk þess að vera hörku glímukappi með brúnt belti í brasilísku jiu-jitsu. Kristján hóf sinn feril við markaðsrannsóknir hjá Maskínu ásamt því að dýfa tánni í nýsköpunar umhverfið Íslandi.

Kristján tók svo við sem verkefnastjóri markaðsmála hjá Origo og tók stóran þátt í að leiða vinnuna við sameiningu Nýherja, Applicon og TM Software undir vörumerkinu Origo. Hann tók svo við sem markaðsstjóri Treble árið 2021.

Við settumst niður og ræddum við Kristján um

Hver eru góð ráð við endurmörkun (e. rebranding)?
Af hverju eru video svona áhrifarík?
Hvernig video er hægt að búa til?
Hvernig er best að nýta vefvörp (e. Webinars)?
Hvernig mælum við árangur?

Hvað er þetta ChatGPT og hvernig gagnast það mér (Part 2)? | Bjarni Gíslason, stofnandi Gagnagúru

Thu, 14 Dec 2023 10:00:00 +0000

Gestur þáttarins er Bjarni Þór Gíslason sem nýlega stofnaði gagna- og gervigreindar ráðgjafarfyrirtækið Gagnagúru.

Bjarni er með yfir 20 ára reynslu af uppbyggingu vöruhúsa gagna og greiningu gagna með viðskiptagreindarhugbúnaði. Hann er með M.Sc. gráðu í þekkingarstjórnun og gervigreind (e. Informatics) frá University of Edinburgh og B.Sc. í rafmagns- og tölvuverkfræði frá Háskóla Íslands.Áður starfaði Bjarni sem stafrænn leiðtogi og forstöðumaður hjá Seðlabanka Íslands og upplýsingatæknistjóri hjá Fjármálaeftirlitinu.

Nýja fyrirtækinu hans er ætlað að hjálpa öðrum fyrirtækjum og stofnunum veitir sérfræðiráðgjöf gervigreind og agile verkefnastjórnun. Markmið er að Gagnagúru er að hámarka virði úr gögnum og auka skilvirkni í verkefnastjórnun, ákvarðanatöku og fleira með nýjustu tækni.

Við ræddum við Bjarna um

Af hverju er mikilvægt að nýta gögn og gervigreind?
Hvernig notar fólk gervigreind í leik og starfi?
Hver eru helstu tólin sem fólk er að nota?
Hver er staðan á þróun á gervigreind?
Hvað gerðist hjá OpenAI um daginn?

Vér byggjum Samfélag (e. community) | Eyrún Jónsdóttir, framkvæmdastjóri Leikjaútgáfu & markaðsmála hjá CCP

Wed, 06 Dec 2023 11:00:00 +0000

Gestur þáttarins er Eyrún Jónsdóttir, framkvæmdastjóri Leikjaútgáfu hjá íslenska tölvuleikjaframleiðandanum CCP.

Eyrún Jónsdóttir er sem fyrr segir framkvæmdastjóri leikjaútgáfu hjá CCP, en undir þann hatt falla öll markaðsmál, PR mál, branding mál, viðskiptaþjónusta og fleira.

Eyrún státar af skemmtilega fjölbreyttri reynslu en hún hefur verið hjá CCP í yfir 8 ára. Áður starfaði hún sem verkefnastjóri hjá íslenska barnasjónvarpsþættinum Latabæ, vörumerkjastjóri hjá bandaríska fjölmiðlarisanum Turner Broadcasting og sölustjóri hjá íslenska fataframleiðandanum Igló+Indí.

Leikjaframleiðandinn CCP er flestum íslendingum kunnur. CCP, sem stendur fyrir Crowd Control Productions, var stofnað árið 1997 og er þekktast fyrir fjölspilaraleikinn EVE Online sem hóf göngu sína árið 2003 og varð því 20 ára á árinu. Leikurinn hefur slegið í gegn og er í dag með 300,000 spilara í yfir 50 löndum um allan heim. Í september 2018 var CCP keypt af suður kóreska tölvuleikjafyrirtækinu Pearl Abyss fyrir 425 million dollara en heldur fast í íslenskar rætur og höfuðstöðvar fyrirtækisins eru í hugmyndahúsinu Grósku í Vatnsmýri.

Við ræddum við Eyrúnu um

Hvernig markaðsmálum háttað hjá CCP?
Hvernig náum við athygli fólks útum allan heim?
Til hvers að búa til samfélag (e. community)?
Hvernig búum við til og rekum samfélag (e. community)?
Hvernig mælir CCP árangur?

Tæki & tól | Framer vefumsjónarkerfið sem er á allra vörum

Wed, 29 Nov 2023 22:00:00 +0000

Í þessum þætti af Gagnarök fjalla Ómar og Biggi um vefumsjónarkerfið Framer sem virðist vera á allra vörum þessa dagana og er að breyta því hvernig vefsíður eru hannaðar, smíðaðar og uppfærðar.

Framer er svo kallað "no-code" vefumsjónarkerfi og var fyrirtækið stofnað árið 2013. Framer er með höfuðstöðvar í Amsterdam í Hollandi. Einn helsti styrkleiki Framer er hversu auðvelt er að hanna vefsíðu og búa hana til án þess að þurfa forritara til að smíða hana.

Framer gefur markaðsfólki, vefstjórum, hönnuðum ofl. sjálfstæði og gerir því auðveldara fyrir að teikna upp draumavefsíðuna sína, framleiða hana á skömmum tíma, uppfæra hana og viðhalda henni.

Í þættinum köfum við ofan í:

Hvað er vefumsjónarkerfi?
Hvernig er hægt að nýta Framer?
Hverjir eru kostir og gallar Framer?
Hver er munurinn á Framer og Wix, Webflow og Prismic.
Hver eru tips & tricks við að nota Framer?

Óplægður akur Umhverfismiðla | Ívar Freyr & Höskuldur Gunnlaugsson hjá Skjálausnir

Tue, 21 Nov 2023 18:00:00 +0000

Gestir þáttarins er Ívar Freyr Sturluson og Höskuldur Gunnlaugsson, hjá umhverfismiðla fyrirtækinu Skjálausnum. Umhverfismiðlar eru einn mest vaxandi miðill landsins.

Skjálausnir bjóða verslunum, veitingastöðum, íþróttafélögum, líkamsræktarstöðvum, hótelum, ráðstefnuhöldurum og fleira fjölbreytilega, hágæða snjallskjái til að birta auglýsingar, veita upplýsingar og bjóða uppá vörukaup. Þeir starfrækja í dag yfir 30 skjálausnir sem fá yfir 35 þúsund heimsóknir á dag.

Ívar Freyr hefur komið víða við þegar kemur að nýsköpun og rekstri. Hann er menntaður viðskiptafræðingur og starfaði við sölu- og markaðsmál hjá Eldum rétt og Já.is áður en hann tók við sem markaðsstjóri hjá bílastæða appinu Parka sem hann sinnti til ársins 2021. Hann var frumkvöðullinn á bakvið leigubílaappið Drivers.is og smökkunarlausnina Smartsampling áður hann stofnaði Skjálausnir árið 2018.

Höskuldur er með gráðu í viðskiptafræði frá Háskólanum í Reykjavík ásamt því að vera leiðtogi og fyrirliði knattspyrnudeildar Breiðabliks. Hann starfaði við sölu hjá fyrirtækinu Quicksearch, sem sérhæfir sig í endurgjöf viðskiptavina, í Svíþjóð frá 2018 til 2019 áður en hann flutti heim og stofnaði gómsætu laufabrauðsgerðina Gamla Bakstur fyrir jólahátíðina 2020. Hann stofnaði svo skjálausnafyrirtækið Birtu, ásamt Guðjóni Pétri Lýðssyni, sem sameinaðist Skjálausnum árið 2023.

Saman reka Ívar og Höskuldur Skjálausnir í dag ásamt Guðjóni og teyminu sínu.
Við ræddum við Ívar og Höskuld um

Hvað eru umhverfismiðlar?
Hvernig nota fyrirtæki skjálausnir í dag?
Hverjir eru kostir / gallar við Skjálausnir?
Hvaða árangur hafa fyrirtæki verið að sjá?
Hvaða spennandi skjálausnir eru framundan?

Hinir 1,000 snertifletir þjónustuupplifunar (e. Customer Experience)

Wed, 08 Nov 2023 17:00:00 +0000

Í þessum þætti af Gagnarök fara Ómar og Ebbi yfir mikilvægi þess að fyrirtæki forgangsraði þjónustupplifun gagnvart viðskiptavinum. Fyrirtæki sem eru með skýra stefnu þegar það kemur að þjónustuupplifun eru mun líklegri til að ná árangri, aðgreina sig frá samkeppni, auka tekjur, auka endurtekin viðskipti, lækka kostnað og gera starfsfólk ánægðara.

Til að vera með hágæða þjónustuuplifun þurfa fyrirtæki að gæta að öllum þeim snertiflötum sem mögulegir viðskiptavinir og viðskiptavinir geta nýtt sér til að rannsaka, skoða, upplifa og eiga í samskiptum við fyrirtækið.

Hvort sem það er á samfélagsmiðlum, á vefsíðunni, í versluninni, í þjónustuverinu, í símanum, í tölvupósti, í auglýsingu, í fjölmiðlum og fleiri stöðum þá hefur aldrei verið mikilvægara fyrir fyrirtæki, verslanir, veitingastaði ofl. sem ætla að ná árangri til lengri tíma að greina og stýra þjónustuupplifun viðskiptavina.

Í þættinum köfum við ofan í:

Hverjir eru helstu snertifletir þjónustuupplifunar?
Hver eru mistök sem mörg fyrirtæki gera?
Hver eru góð ráð fyrir fyrirtæki?
Raunasögur úr lífi Ómars og Ebba.
Hvernig er hægt að nýta gögn frá þessum snertiflötum?

5 heilræði til að auka sölutölur fyrir "Black Friday", "Cyber Monday" og "Singles Day"

Wed, 01 Nov 2023 15:00:00 +0000

Í þessum þætti af Gagnarök fara Ómar og Arnar í gegnum 5 góð ráð til að hjálpa fyrirtækjum að undirbúa markaðsstarf og ná sem mestri sölu á afsláttadagana miklu, sem kallast á góðri íslensku: Dagur einhleypra, Svartur föstudagur og Netmánudagur.

Dagarnir einkennast af því að fjölmargar verslanir bjóða uppá verulega afslætti og lengja opnunartíma sinn. Þeir marka upphaf jólasölu tímabilsins og fyrir mörg fyrirtæki eru þeir tekjuhæstu dagar ársins.

Dagarnir rekja uppruna sinna til Bandaríkjana og Kína en fjölmörg lönd hafa tekið upp þess hefð í seinni tíð, þar á meðal Ísland. Hefðin ruddi sér fyrst rúms á Íslandi árið 2013 þegar Húsgagnahöllin bauð uppá afslátt á Svörtum föstudegi.

Dagur einhleypra (11 nóvember)
Dagur einhleypra (e. Singles' Day) er verslunardagur sem upphaflega á rætur sínar að rekja til Kína og er haldinn þann 11. nóvember hvert ár. Dagurinn var upphaflega stofnaður sem mótmæli við Svartan föstudag og Cyber Monday í Vesturheimi. Dagurinn er nú einn stærsti verslunardagurinn í heiminum og mögulega sá stærsti. Árið 2022 nam heildarsala dagsins $157 billion USD (21,833,990,000,000 ISK).

Nafnið "Singles' Day" vísar til þess, að dagsetningin 11/11 á að vera skýrskotun í að vera einsamall eða einsömul, og því hefur dagurinn notaður til að fagna því að vera ekki í sambandi.

Svartur föstudagur (24 nóvember)
Svartur föstudagur (e. Black Friday) er verslunardagur sem á uppruna sinn í Bandaríkjunum og er oftast fyrsti verslunardagurinn eftir þakkargjörðardaginn, sem er haldinn á fjórða fimmtudeginum í nóvember á hvert. Árið 2022 nam heildarsala dagsins $65.3 Billion USD (9,082,577,000,000 ISK).

Nafnið "Svartur föstudagur" má líklega rekja til þess að þann dag breyttust bókhaldstölur verslana úr rauðum (neikvæðar) í svartar (jákvæðar).

Í Bandaríkjunum hafa ósjaldan brotist út slagsmál því að spennan og æsingurinn er svo mikill að ná þeim vörum sem verið er að sækjast eftir. Árið 2006 slösuðust 98 manns og 7 dauðsföll tengd þessum degi voru tilkynnt í Bandaríkjunum.

Netmánudagur (27 nóvember)
Netmánudagur (e. Cyber Monday) er mánudagurinn eftir svartan föstudag og er jafnan 24 tíma netverslunarviðburður og er oft litið á hann sem framlengingu á takmörkuðum afslætti sem sést á Black Friday. Þrátt fyrir að Netmánudagur hafi upphaflega verið settur á laggirnar til að sannfæra kaupendur um að heimsækja uppáhalds netverslanir sínar til að fá tilboð og afslætti eru mörg fyrirtæki sem bjóða einnig afslætti í verslununum sjálfum.

Talið er að nafnið "Cyber Monday" hafi fyrst verið notað á frumbernsku internetaldar (snemma á 2000) og hafi átt uppruna sinn sem leið til að sannfæra fólk um að versla á netinu. Árið 2022 nam heildarsala dagsins $11.3 Billion USD (1,571,717,000,000 ISK).

Saman eru Black Friday og CyberMonday stundum kallaðir BFCM.

Tæki & tól | FIGMA hönnunarkerfið

Wed, 25 Oct 2023 11:00:00 +0000

Í þessum þætti af Gagnarök fjalla Ómar og Biggi um hið gríðarlega vinsæla hönnunarkerfi - FIGMA - sem mörg teymi nota í dag við vefsíðuhönnun, hönnun á myndefni, hönnun á vörum, efnisgerð og fleira.

Figma var stofnað árið 2012 og er með höfuðstöðvar í San Fransisco. Árið 2022 náði Adobe samkomulagi um að kaupa bandaríska hönnunarfyrirtækið fyrir ríflega 20 milljarða dala.

Einn helsti styrkleiki FIGMA er hversu auðveld samvinna er í gegnum tólið og því hefur tólið náð miklum vinsældum hérlendis sem og um allan heim hjá teymum eins og markaðsteymum, hönnuðum, vefstofum, vöruhönnuðum og forriturum.

Í þættinum köfum við ofan í:

Hvernig er hægt að nýta FIGMA?
Hverjir eru kostir FIGMA?
Hver eru tips & tricks við að nota FIGMA?
Hver eru gagnleg plug-ins fyrir FIGMA?
Hvar stendur gervigreind í hönnun?

Allt það helsta frá B2B Leads ráðstefnunni - Hver voru key takeaways?

Wed, 18 Oct 2023 10:00:00 +0000

Hinn 28 september 2023 héldum við hjá Digido B2B ráðstefnuna LEADS.

Ráðstefnan er ætluð fyrirtækjum á fyrirtækjamarkaði (B2B) og er sú fyrsta sinnar tegundar á Íslandi.

Ráðstefnan gekk vonum framar og komu saman yfir 220 manns og um 20 fyrirlesarar frá 7 löndum í hugmyndahúsinu Grósku í Vatnsmýrinni. Mikið var lagt uppúr því að vera með sem mest current, fræðandi og hagnýta dagskrá og hefur endurgjöfin við ráðstefnunni verið stórkostleg.

Á ráðstefnunni voru innlendir sem erlendir fyrirlesarar frá fyrirtækjum á borð við Hubspot, Cognism, B2Linked, Marel, Gangverk, Meniga, 50 skills, Treble, Good Good og mörgum fleiri. Áhersla var lögð á raundæmi og gagnlegar ráðleggingar sem nýtast fyrirtækjum við dagleg störf.

Tilgangur ráðstefnunnar er að hjálpa þessum fyrirtækjum, hvort sem þau eru rótgróin eða í frumkvöðlastarfsemi, að ná meiri árangri í markaðs- og sölustarfi með því að nýta nýjustu aðferðir í stefnumótun, efnisgerð, herferðum, mælingum og nýjustu tækin og tólin.

Það er gríðarlega mikið af spennandi B2B nýsköpunarfyrirtækjum og hugviti að krauma á Íslandi í dag með mikil tækifæri til að vaxa út fyrir landsteinana. Mörg þessara fyrirtækja smíða frábærar vörur en lenda á vegg þegar á að fara í útrás og vaxa erlendis.

Enn fremur er tilgangur ráðstefnunnar að leiða saman fyrirtæki á B2B fyrirtækjamarkaði og veita þeim vettvang til að bera saman bækur og læra af hvoru öðru svo íslenskar vörur og þjónusta megi vaxa, hérlendis sem og um heim allan.

Allar helstu upplýsingar má finna á: www.leads.is

Nýsköpun og frumkvöðlastarfsemi á Íslandi - Hraðlar, keppnir, sjóðir og góð ráð | Sigríður Mogensen, Klak Icelandic Startups og Samtök Iðnaðarins

Wed, 11 Oct 2023 10:00:00 +0000

Verið velkomin í Gagnarök - podcastið þar sem við nördumst yfir markaðsmálum.

Gestur þáttarins er Sigríður Mogensen. Sigríður er sviðsstjóri iðnaðar- og hugverkasviðs hjá Samtökum Iðnaðarins og stjórnarformaður hjá nýsköpunar og frumkvöðla samtökunum Klak. Hún er með BSc í hagfræði frá Háskóla Íslands og MSc í reikningshaldi og fjármálum frá London School of Economics.

Áður starfaði hún við orðsporsáhættustýringu hjá Deutsche Bank í London og sem blaðamaður á Viðskiptablaðinu og fréttamaður á Stöð 2. Þá hefur Sigríður setið í stjórn Nýsköpunarsjóðs, Júpíter rekstrarfélags, verið í áhættunefnd Kviku banka og varaformaður stjórnar Gamma Capital Management.

Samtök Iðnaðarins eru stærstu hagsmunasamtök landsins og standa vörð um 1.700 fyrirtæki í iðnaði svo sem mannvirkjum, hugverkum og meistaravinnu.

Klak er lykilaðili í stuðningsumhverfi nýsköpunar á Íslandi og leiðandi afl í grasrót frumkvöðlasamfélagsins í gegnum hraðla og keppnir eins og Gulleggið, Hringiða og Startup Supernova.

Við ræddum við Sigríði um

Af hverju nýsköpun mikilvæg?
Hvernig er nýsköpunarumhverfið á Íslandi?
Hverjir eru helstu keppnir, hraðlar og sjóðir?
Hver eru góð ráð fyrir nýsköpunarfyrirtæki?
Hvaða mistök gera nýsköpunarfyrirtæki?

B2B Leads ráðstefnan 28 sept - sú fyrsta sinnar tegundar á Íslandi

Wed, 13 Sep 2023 09:00:00 +0000

Í þessum þætti af Gagnarök segja Ómar og Biggi frá B2B Leads ráðstefnunni sem mun fara fram hinn 28 september í hugmyndahúsinu Grósku í Vatnsmýrinni.

Ráðstefnan er sú fyrsta sinnar tegundar á Íslandi og er ætluð að hjálpa fyrirtækjum sem starfa á fyrirtækjamarkaði, betur þekktur sem B2B markaðurinn (Business to Business) og íslensku hugviti að vaxa út um allan heim. Áslaug Arna Sigurbjörnsdóttir, Háskóla-, iðnaðar- og nýsköpunarráðherra, mun setja ráðstefnun

Íslandi kraumar ótrúlega mikið af spennandi fyrirtækjum sem búin er að smíða frábæra vöru en vantar aðstoð við sölu- og markaðsstarf.

Markmið ráðstefnunnar er að hjálpa fyrirtækjum, hvort sem þau eru rótgróin eða í nýsköpun og frumkvöðlastarfsemi, að ná betri árangri í markaðsstarfi með því að nýta nýjustu aðferðir í stefnumótun, efnisgerð, herferðum og mælingum. Jafnframt verða nýjustu tækin og tólin á markaðnum skoðuð í þaula

Tilgangur ráðstefnunnar ekki síður að búa til samfélag fyrir B2B fyrirtæki og veita þeim vettvang til að læra hvort af öðru.

Á ráðstefnunni verða erindi flutt frá 20 fyrirlesurum frá alþjóðlegum B2B fyrirtækjum á borð við Hubspot, Cognism, B2Linked og Q Content, sem og leiðandi fyrirtækjum á Íslandi svo sem, Marel, Gangverk, Good Good, 50 skills og mörgum fleirum.

Áhersla verður lögð á raundæmi og gagnlegar ráðleggingar sem nýtast fyrirtækjum við dagleg störf. Bergur Ebbi rýnir í kristalskúluna og spáir fyrir um framtíð markaðs- og sölumála.

Í þættinum köfum við ofan í:

Til hvers er ráðstefnan?
Fyrir hverja er hún?
Hver er dagskráin?
Hverjir eru fyrirlesarar?
Hvað mun fólk læra á ráðstefnunni?

Hnökralaust ferðalag í notendaupplifun (UX) & stafrænni hönnun er gulls ígildi | Anna Signý Guðbjörnsdóttir, framkvæmdastjóri hjá Kolibri

Wed, 06 Sep 2023 09:00:00 +0000

Gestur þáttarins að þessu sinni er Anna Signý Guðbjörnsdóttir, framkvæmdastjóri hjá Kolibri.

Kolibri er hugbúnaðar- og hönnunarfyrirtæki sem tekur að sér alls kyns stafræn verkefni, t.a.m. hönnun, vefi, öpp og stafrænar lausnir sérsmíðaðar til að búa til fyrsta flokks notendaupplifun og hjálpa fyrirtækjum á borð við Íslandsbanka, TM, Alcoa og Háskóla Íslands í sinni stafrænu vegferð.

Anna, sem lýsir sjálfri sér sem baráttukonu fyrir jafnrétti og stöðu kvenna í tækni, True Crime heimildarmynda-nöttara og nautnasegg á góðu kaffi, lærði stafræna hönnun og upplýsingafræði í ITU í Kaupmannahöfn.

Hún starfaði hjá danska SaaS fyrirtækinu Siteimprove og Origo á Íslandi áður en hún gekk til liðs við Kolibri, en þar hefur hún starfað síðastliðin fimm ár og tók nýlega við sem framkvæmdastjóri fyrirtækisins.

Við ræddum við Önnu um:

Hvað er góð notendaupplifun og af hverju er hún mikilvæg?
Hvað er "Agile" og "Design Thinking" aðferðafræði?
Hver eru góð tips & tricks við hönnun?
Hvert er ferlið við stafræna hönnun?
Hvernig markaðssetur Kolibri sig?

Listin við að búa til auglýsingar & kvikmyndir | Rúnar Ingi Einarsson, stofnandi, kvikmynda- & auglýsingaleikstjóri og framleiðandi hjá Norður

Thu, 31 Aug 2023 09:00:00 +0000

Gestur þáttarins er kvikmynda- og auglýsingaleikstjórinn og framleiðandinn Rúnar Ingi Einarsson sem hlotið hefur verðskuldaða athygli fyrir þátttöku sína í stuttmyndinni Fár sem hlaut nýlega sérstaka viðurkenningu á kvikmyndahátíðinni í Cannes.

Rúnar Ingi hefur lengi verið talinn meðal þeirra allra bestu í bransanum og á mörg spennandi verkefni undir beltinu svo sem leikstjórn á auglýsingum fyrir alþjóðlegu fyrirtækin Volvo, Land Rover, Samsung, O2 og Nike svo dæmi séu nefnd.

Hann leikstýrði jafnframt stiklu fyrir sjónvarpsþættina Game of Thrones og hefur ferðast um allar heim fyrir verkefni.

Rúnar Ingi er menntaður með BA í lögfræði en fann snemma að áhuginn og ástríðan lá í kvikmynda- og auglýsingagerð. Hann byrjaði sinn feril sem ungur Steven Spielberg sem fékki vini sína í hverfinu til að leika í stuttmyndum.

Síðan þá hefur hann komið víða við og unnið sem leikstjóri hjá framleiðslufyrirtækjum eins og New Land í Svíþjóð, Markenfilm í Þýskalandi, Caviar í Bandaríkjunum og Pegasus á Íslandi áður en hann stofnaði sjálfur framleiðslufyrirtækið Norður, þar sem hann stýrir skipinu í dag.

Við settumst niður með Rúnari og ræddum:

Hvað er svona spennandi við auglýsinga- og kvikmyndagerð?
Hvert er ferlið við að búa til góða auglýsingu?
Hvað einkennir góða auglýsingu?
Hverjar eru bestu auglýsingar allra tíma?
Hver eru góð ráð fyrir unga og upprennandi leikstjóra?
Hvernig var að nudda olnbogum saman með stjörnurnar á Cannes?

Verður Ísland leiðtogi í stafrænni þjónustu? | Andri, stafrænn leiðtogi og Vigdís, markaðsstjóri hjá Stafrænt Ísland

Wed, 23 Aug 2023 13:00:00 +0000

Gestir þáttarins koma frá Stafrænt Ísland. Þau eru Andri Heiðar Kristinsson, stafrænn leiðtogi og Vigdís Jóhannsdóttir, markaðsstjóri.

Stafrænt Ísland er sameiginlegt verkefni opinbera stofnana á Íslandi til að bæta stafræna þjónustu og gera líf okkar allra betra.

Andri Heiðar stundaði MBA nám í Stanford háskóla í Kaliforníu með áherslu á frumkvöðlafræði, tækni og leiðtogafærni. Hann hefur komið víða við á sviði nýsköpunar og er einn af stofnendum Icelandic Startups og nýsköpunarkeppninnar Gulleggið, hann starfaði um árabil sem þróunarstjóri hjá samfélagsmiðlafyrirtækinu LinkedIn. Hann stofnaði og rok sprotafyrirtækið Travelade áður en hann gerðist stafrænn leiðtogi í fjármála- og efnahagsráðuneytinu hjá verkefninu Stafrænt Ísland árið 2020.

Vigdís er viðskiptafræðingur að mennt og hefur mikla reynslu af markaðs- kynningarmálum. Hún hóf feril sinn hjá Íslenska útvarpsfélagsinu (sem síðar varð 365) þar sem hún starfaði fyrst sem verkefnastjóri á markaðsdeild sjónvarps, í þáttagerð á framleiðsludeild og kynningarstjóri útvarpssviðs. Árið 2009 lá leiðin á auglýsingastofuna Pipar þar sem hún starfaði sem ráðgjafi og aðstoðarframkvæmdastjóri. Árið 2020 gerist hún markaðsstjóri Stafræns Íslands þar sem hún leiðir innri og ytri markaðs- og kynningarmál, samskipti og fræðslu.

Við ræddum við Andra og Vigdísi um

Hvað er Stafrænt Ísland og Ísland.is?
Hvaða vandamál eru þau að leysa? Hvaða tækifæri eru til staðar?
Hvernig markaðssetur Stafrænt Ísland sig fyrir almenningi?
Hvernig mæla þau árangur?
Verður Ísland leiðtogi í stafrænni þjónustu?

Snjallbirtingar | Björn Þór, markaðsstjóri Toppfótbolta og Helgi Pjetur, einn stofnenda Púls Media

Tue, 08 Aug 2023 21:00:00 +0000

Gestir þáttarins eru Björn Þór Ingason, markaðsstjóri hjá Íslenskur Toppfótbolti og Helgi Pjetur, einn stofnenda hjá Púls Media.

Þátturinn fjallar um hvernig snjallbirtingar eru að breyta birtingamarkaðnum með því að hjálpa markaðsfólki og markaðsstofum að miðstýra auglýsingagerð og birtingum í gegnum eina lausn. Við heyrum einstaklega nytsamlegt dæmi um hvernig Toppfótbolti hefur sparað milljónir króna og óteljandi klukkustundir með því að nýta lausn Púls Media.

Íslenskur Toppfótbolti eru hagsmunasamtök fyrir félög í efstu deild karla og kvenna í Knattspyrnu og eru með það markmið að stuðla að vexti og framgangi íslenskrar knattspyrnu.

Fyrrum fótboltahetjan og nú markaðssjéní Björn Þór er með gráður í markaðsfræði frá HR og CBS en hann byrjaði sinn feril hjá Hvíta Húsinu, Öskju, Kunde & Co, Verna áður en hann tók við sem markaðsstjóri Toppfótbolta árið 2021.

Púls Media er auglýsingakerfi sem gerir fyrirtækjum kleift að framleiða, dreifa og birta auglýsingar á vefmiðlum, samfélagsmiðlum og umhverfismiðlum með nýjum og spennandi leiðum.

Helgi Pjetur er legend í tækniheiminum sem byrjaði sinn feril hjá Nova áður en hann stofnaði, ásamt samstarfsfélögum sínum, fyrirtæki eins og appþróunarfyrirtækið Stokk, atvinnuleitar miðilinn Alfreð, fjármálaappið Aur og nú nýlegast Púls Media sem hann co-stofnaði árið 2021.

Við ræddum við Björn og Helga um

Hvernig virka birtingar og...
Hvernig er Púls Media að breyta birtingamarkaðnum?
Hvernig Toppfótbolti hefur sparað margar milljónir með því að nýta Púls.
Hvernig veður, eldgos, úrslit, klukkan og margt fleira getur stýrt auglýsingum.
Hver er framtíð birtinga?

Hugarheimur Markhópa & Personas

Tue, 25 Jul 2023 13:00:00 +0000

Í þessum þætti af Gagnarök dusta Ómar og Ebbi rykið af skólabókunum í 101 markaðsfræði og ræða mikilvægi þess að vera með vel skilgreindan markhóp.

Hvort sem fyrirtæki eru í B2C eða B2B er það staðreynd að þau fyrirtæki sem fara í vel ígundaða rannsóknarvinnu og skilgreina markhópinn sinn eins vel og hægt er ná meiri árangri. Það gerir alla vinnu við að smíða skilaboð, efnisgerð og herferðir margfalt skilvirkari og árangursríkari. Svo er það bara skemmtilegra.

Mörg fyrirtæki skilgreina aldrei markhópinn sinn eða fara ekki lengra en "Konur, aldur 20 - 50 ára". Það er ágætis byrjun, en það er hægt að fara svo miklu dýpra og fókusera frekar á "áhuga" og "áhyggjur" / "pain points".

Þeir félagar ræða sín á milli af hverju það er svona mikilvægt að skilgreina markhópinn sinn ítarlega og hvernig er best að gera það.

Í þættinum köfum við ofan í:

Hvað er markhópur?
Hvaða breytur er hægt að nota til að skilgreina hann?
Hvernig við skilgreinum personas.
Hvaða áhrif það hefur á skilaboð, efni og herferðir.
Dæmi um fyrirtæki sem hafa gert þetta vel.

Flatur teymisstrúktur, Agile & markaðsmál hjá Gangverk | Ása rekstrarstjóri og Kristján Director Client of Relations

Tue, 18 Jul 2023 14:00:00 +0000

Gestir þáttarins eru Ása Rún Björnsdóttir, rekstrarstjóri og Kristján Aðalsteinsson, Director of Client Relations hjá stafrænu vöruhönnunar stofunni Gangverk.

Þátturinn fjallar ítarlega um kúlturinn, teymisstrúkturinn og aðferðafræðina sem Gangverk beitir til að búa til jákvætt, skilvirkt og afkastamikið umhverfi þar sem starfsmenn fá að gera það sem þau gera best.

Gangverk er íslenskt fyrirtæki sem ef til vill margir hafa ekki heyrt um en hefur verið að gera virkilega góða hluti við ráðgjöf og innleiðingu á stafrænni umbreytingu fyrir fyrirtæki um allan heim. Fyrirtækið hlaut nýverið útflutningsverðlaun forseta Íslands.

Ása sem heldur utan um daglegan rekstur hjá Gangverk starfaði áður hjá Símanum sem forstöðumaður Greiningardeildar, Hagdeildar og Vörustýringar.

Kristján, sem starfar sem brú á milli viðskiptavina og teyma innan Gangverks, hóf sinn feril sem handboltaþjálfari og starfaði svo í ráðgjöf hjá N1 og viðskiptastjóri og hluthafi hjá auglýsingastofunni Hvíta Húsinu.Þau gengu bæði til liðs við Gangverk árið 2022.

Við ræddum við Ásu og Kristján um

Hvað er stafræn umbreyting?
Hvernig flatur teymis strúktúr virkar
Mikilvægi þess að hafa fjölbreytni í teymum
Hvernig Gangverk hefur náð árangri
Hvað er framundan hjá Gangverk

Af hverju eru allir að tala um ABM herferðir?

Wed, 12 Jul 2023 11:00:00 +0000

Í þessum þætti af Gagnarök ræða Ómar og Ebbi svokallaðar ABM (Account Based Marketing) herferðir sem eru þekktar fyrir vera einstaklega árangursíkar.

Fyrirtæki hafa margar leiðir til að búa til eftirspurn eftir vöru eða þjónustu. Ein slík leið eru svokallaðar ABM herferðir. Það sem einkennir ABM herferðir er hvernig markaðs- og söluteymi vinna saman að rannsóknarvinnu til að senda persónuleg skilaboð á mörgum miðlum samtímis til að umlykja markhópinn sinn og breyta í viðskiptavin.

Þeir félagar ræða sín á milli hvernig er best að nálgast slíkar herferðir út frá aðferðafræði, efnissköpun, notendaupplifun og tæknilegum atriðum til að ná sem bestum árangri.

Í þættinum köfum við ofan í:

Hvað eru ABM herferðir?
Hver ávinningurinn af ABM?
Hver eru skrefin við að setja upp ABM?
Af hverju eru þær svona árangursríkar?
Hvernig mælum við árangur?

Mikilvægi hönnunar í markaðsmálum | Erla María Árnadóttir, aðstoðar hugmynda- og hönnunarstjóri hjá Hvíta Húsinu

Tue, 04 Jul 2023 17:00:00 +0000

Gestur þáttarins er Erla María Árnadóttir, aðstoðar hugmynda- og hönnunarstjóri hjá auglýsingastofunni Hvíta Húsinu. Þátturinn fer vandlega yfir hversu mikilvægt það er að þekkja markhópinn sinn og hversu mikilvægt hlutverk hönnun spilar í velgengni fyrirtækja hvort sem það er á vefsíðunni, auglýsingum, samfélagsmiðlum og fleira.

Erla fæddist í París og bjó þar til grunnskólaaldurs áður en hún flutti í siðmenninguna í Vesturbænum og má segja að þessar tvær stórborgir hafi kveikt áhuga hennar á hönnun.

Eftir að hafa klárað nám í hönnun, list, myndlýsingu og hreyfimyndagerð frá Tækniháskólanum í Reykjavík og European Institute of Design í Milano byrjaði Erla sinn feril sinn sem freelancer. Hún fór svo út í eigin rekstur með manninum sínum, Jónasi Valtýssyni, og stofnuðu þau saman hönnunarstúdíóið Erla & Jónas þar sem þau einbeittu sér að brandingvinnu og storytelling.

Erla skipti svo um gír og fór yfir til Hvíta Hússins þar sem hún starfaði sem listrænn stjórnandi, tók svo eitt ár sem vörumerkjahönnuður hjá hugbúnaðarfyrirtækinu SideKick Health, áður en henni bauðst tækifæri til að koma aftur til Hvíta Hússins og taka að sér hlutverk sem aðstoðar hugmynda- og hönnunarstjóri þar sem hún er í dag.

Við ræddum við Erlu um

Hvað er fólgið í hönnun fyrir fyrirtæki? Litir? Logo? Vefsíða? Tone of voice?
Af hverju er góð hönnun mikilvæg?
Hvert er hönnunarferlið?
Hver eru góð ráð við hönnun?
Hvaða fyrirtæki með góða hönnun í dag?

Góð ráð fyrir Facebook & Instagram herferðir

Wed, 28 Jun 2023 09:00:00 +0000

Í þessum þætti af Gagnarök ræða Ómar, Birkir og Ebbi góð ráð við að keyra herferðir á Facebook og Instagram (FB & IG).

Erlendar birtingar hafa tekið fram úr innlendum birtingum á Íslandi og ljóst að mikilvægi þess að keyra skilvirkar og árangursríkar herferðir á stærstu miðlum landsins hefur aldrei verið mikilvægara.

Þeir félagar ræða sín á milli hvernig er best að nálgast slíkar herferðir út frá markhópum, efnissköpun, notendaupplifun og tæknilegum atriðum til að ná sem bestum árangri.

Í þættinum köfum við ofan í:

Hvaða markhópar eru á FB & IG?
Hvernig stillum við upp herferðum?
Hvað er mikilvægast að hafa í huga?
Hver eru helstu tips og tricks?
Hvernig mælum við árangur?

Hvernig smíðum við vefsíðu sem skilar árangri?

Thu, 22 Jun 2023 09:00:00 +0000

Í þessum þætti af Gagnarök ræða Ómar, Birgir, sérfræðingur í stafrænum lausnum, og Arnar, sérfræðingur í stafrænum miðlum, mikilvægi vefsíðunnar. Gamla góða vefsíðan er ekki að fara neitt og færa mætt rök fyrir því að þessi elska hafi aldrei verið mikilvægari.

Allar vefsíður hafa eitthvað markmið hvort sem það er vefsala, bóka fund, senda inn fyrirspurn og fleira. En eru allar vefsíður hannaðar til að ná þessu markmiði?

Þeir félagar ræða sín á milli hvað þarf að hafa í huga þegar smíða á vefsíðu og notendaupplifun sem nýtir gögn, greiningar, skýra stefnumótun við hönnun og forritun á vefsíðu sem skilar árangri.

Í þættinum köfum við ofan í:

Hvert er ferlið við að smíða vefsíðu?
Hver eru helstu mistök við vefsíðugerð?
Hvað einkennir árangursríkar vefsíður?
Hvað kostar að smíða vefsíðu?
Hvernig verður vefsíða framtíðarinnar?

Vörumerki, branding og neyslusálfræði | Sigríður Rakel Ólafsdóttir, markaðsstjóri Öskju

Tue, 13 Jun 2023 20:00:00 +0000

Gestur þáttarins er Sigríður Rakel Ólafsdóttir, markaðsstjóri bílaumboðsins Öskju. Þátturinn er smekkfullur af skemmtilegum umræðum þar sem Ómar og Helga, samfélagsmiðla sérfræðingur hjá Digido, ræða við Sigríði um þá töfra sem fylgja góðu branding.

Við ræðum vörumerki eins og Coca Cola, Pepsi, apple, snyrtivörurisa, Benz, Húsasmiðjuna, Krónuna, Blush, Indó og fleira. Og svo koma raðmorðingjar einhversstaðar fyrir þarna líka.

Sigríður er með yfir 10 ára reynslu af markaðsmálum og hefur lengi haft mikinn áhuga á vörumerkjum og branding. Að eigin sögn stafar áhuginn af forvitni hennar á mannlegri hegðun.

Hún byrjaði sinn feril í markaðsgreiningu hjá Birtingahúsinu áður en bauðst tækifæri til að fara til Cintamani sem markaðsstjóri. Sigríður skipti svo yfir til Ölgerðarinnar þar sem ég starfaði sem vörumerkjastjóri Pepsi ásamt því að taka virkan þátt í vöruþróun félagsins.

Fyrir rétt rúmu ári tók hún svo stökkið yfir til Öskju árið 2022 þar sem hún starfar sem markaðsstjóri í dag og stýrir vörumerkjum Kia, Honda og Mercedes-Benz.

Í þættinum köfum við ofan í:

Af hverju skipta vörumerki máli?
Hvað einkennir gott vörumerki og hvernig verður það til?
Hvaða vörumerki í dag eru að gera það sérstaklega gott?
Hvernig mælum við árangur af vörumerkjum?

B2B markaðsmál eru vísindi & list | Elvar Páll Sigurðsson, markaðsstjóri Men&Mice

Tue, 06 Jun 2023 23:00:00 +0000

Gestur þáttarins er Elvar Páll Sigurðsson, markaðsstjóri B2B hugbúnaðarfyrirtækisins Men & Mice og er óhætt að segja að þátturinn er hlaðinn gagnlegum ráðleggingum fyrir alla sem vinna í B2B geiranum (sala og markaðsetning fyrirtækis til fyrirtækis).

Elvar byrjaði sinn markaðsferil sem ráðgjafi hjá Pipar/TBWA en færði sig yfir til Men&Mice þar sem hann byrjaði sem stafrænn markaðsstjóri áður en hann var gerður að markaðsstjóra á síðasta ári.

Men&Mice sérhæfir sig í net innviða hugbúnaðarlausnum fyrir alþjóðleg stórfyrirtæki svo sem Microsoft, FedEx, Nestle og Harvard Business School. Stærstur hluti af tekjum fyrirtækisins koma frá Bandaríkjunum en fyrirtækið hefur verið að vaxa hratt í Evrópu og öðrum heimshlutum.

Í þættinum köfum við ofan í:

Alþjóðlega markaðsstrategíu Men&Mice
B2B kauphegðun og kaupferli
Herferðir á Linkedin, Facebook, Google, Webinars ofl.
Tilraunir með Reddit
Mikilvægustu mælikvarðana t.d. leads, MQL, SQL, conversion ratio

Google Analytics 4 breytingin sem mun kollvarpa vefsíðumælingum 1 júlí 2023

Wed, 24 May 2023 08:00:00 +0000

Í þessum þætti af Gagnarök ræða Ómar og Arnar þá meiriháttar breytingu sem mun eiga sér stað hinn 1 júlí 2023 þegar Google mun slökkva á núverandi útgáfu af vefsíðumælingartólinu Google Analytics og alfarið færa þjónustuna yfir í nýjustu útgáfuna Google Analytics 4.

Google Analytics er mest notaða vefsíðumælingartól í heiminum og flestar vefsíður á Íslandi nota tólið til mælinga. Þetta er ein stærsta breyting síðari ára og ef ekki er brugðist rétt við mun hún mögulega skaða rekstur vefsíðueigenda og fyrirtækja sem treysta á tólið til mælinga en jafnframt búa til tækifæri fyrir þau sem bregðast rétt við.

Í þættinum köfum við ofan í:

Hvaða þýðingu hefur þessi breyting?
Hvað er nýtt í Google Analytics 4?
Hvað þarf að gera til að halda mælingum áfram?
Hvaða tækifæri eru í stöðunni?
Hvaða önnur vefsíðumælingartól eru til?

Tæki & tól | Hubspot CRM, markaðs- og sölukerfið

Wed, 17 May 2023 09:00:00 +0000

Í þessum þætti af Gagnarök ræða Ómar og Ebbi eitt af sínum uppáhalds tólum sem er Hubspot CRM (viðskiptatengsla), markaðs- og sölukerfið. Hubspot er eitt vinsælasta markaðstól í heiminum og mikill áhugi er á kerfinu á Íslandi þessa dagana. Í þættinum ræða þeir félagar hvernig fyrirtæki geta nýtt Hubspot til að ná hámarkas árangri í sölu- og markaðsstarfi.

Í þættinum köfum við ofan í:

Helstu kosti Hubspot
Gagnlegustu virknina í Hubspot
Hvernig gögn eru hjartað í Hubspot
CRM, markaðs, sölu og service pakkana
Algeng mistök við notkun á Hubspot

Samfélagsmiðlar hjá Símanum | Inga María Hjartardóttir, markaðssérfræðingur

Wed, 10 May 2023 08:00:00 +0000

Gestur þáttarins er Inga María Hjartardóttir, sérfræðingur í markaðsmálum og samfélagsmiðlum hjá Símanum. Þátturinn er stútfullur af gullmolum fyrir fyrirtæki og einstaklinga sem vilja búa til rétta contentið og nýta samfélagsmiðla til að auka sölu, vörumerkjavitund og jafnvel umsóknir fyrir störf.

Inga flutti 19 ára til Boston að læra tónlistarviðskiptafræði í Berklee College of Music en þar kviknaði áhugi hennar á markaðsmálum. Eftir útskrift starfaði hún í tónlistarsenunni í Los Angeles og kom svo heim og starfaði við markaðsmál og samfélagsmiðla hjá Samfés og Píeta áður en hún gekk til liðs við Símann árið 2021 þar sem hún stýrir samfélagsmiðlunum TikTok, Instagram, Twitter, Facebook og Youtube.

Í þættinum köfum við ofan í:

Hvernig er best að nýta samfélagsmiðla?
Hvar er unga fólkið? Er Facebook out?
Virkar TikTok fyrir fyrirtæki?
Góð ráð við efnisgerð. Þema, lengd, tími dags?
Hvernig er hægt að mæla árangur?

Email herferðir árið 2023 - virka þær ennþá?

Wed, 03 May 2023 08:00:00 +0000

Í þessum þætti af Gagnarök ræða Ómar, Ebbi og Arnar the original gangster í markaðsmálum - email herferðir. Virka email herferðir ennþá árið 2023? Í þættinum ræða þeir félagar hvernig er hægt að nýta gögn, sjálfvirknivæðingu og gervigreind í bland við góða textasmíði og strategíu til að ná miklum árangri með email herferðum.

Í þættinum köfum við ofan í:

Hvað einkennir email herferðir?
Má ég senda email á hvern sem er?
Ráðleggingar fyrir árangursríkar email herferðir
Hvernig mælum við árangur?
Gervigreind og email herferðir

Markaðsmál hjá Dominos | Magnús Hafliðason, forstjóri Dominos

Wed, 26 Apr 2023 09:00:00 +0000

Hljóðvarpið Gagnarök færir út kvíarnar en í þætti vikunnar tökum við á móti okkar fyrsta gesti. Magnús Hafliðason, forstjóri Dominos á Íslandi, leit við hjá okkur í Borgartúninu en Magnús er á meðal reynslumesta markaðs- og rekstrarfólki landsins.

Aðeins 17 ára gamall byrjaði hann ferilinn hjá Dominos sem pizzusendill en síðan þá hefur hann komið víða við í atvinnulífinu. Ásamt því að hafa rekið veitingastaðinn Ruby Tuesday tók Magnús þátt í rekstri fyrirtækja á borð við Joe & The Juice, Gló og Brauð & co. Um tíma gegndi hann stöðu markaðsstjóra Sýnar hf. en tók svo við sem forstjóri Dominos árið 2021.

Í þættinum köfum við ofan í:

Hvað er áhugavert við markaðsmál?
Þróun markaðsmála á Íslandi og hjá Dominos.
Hvaða markaðsaðgerðir eru að virka?
Hvernig mælir Dominos árangur?
Hvað einkennir farsælt markaðsfólk?

Vefsíðumælingar & Google Analytics 4

Wed, 19 Apr 2023 08:00:00 +0000

Í þessum þætti af Gagnarök ræða Arnar, Birkir og Ómar allt það helsta um mælingar á vefsíðum. Hvernig hafa þær verið, hvernig eru þær í dag og hvernig munu þær mögulega verða í framtíðinni. Sérstakur gestaleikari þáttarins er Google Analytics 4.

Í þættinum köfum við ofan í:

Mikilvægi vefsíðumælinga
Helstu mælikvarða og mælingartól
Google analytics 4
Betrumbætur á vefsíðum
Framtíð vefsíðna og mælinga

Hvað er mikilvægast í B2B Markaðssetningu?

Wed, 12 Apr 2023 09:00:00 +0000

Í þessum þætti af Gagnarök ræða Arnar og Ómar hvað B2B markaðsetning (fyrirtæki til fyrirtækis) gengur út á og muninn á henni og klassískri B2C markaðssetningu. Í þættinum ræða þeir félagar mikilvægi þess að fara í áhrifaríka stefnumótun, hvaða aðgerðir eru skilvirkastar og hvernig nýtum við gögn til að ná árangri.

Í þættinum köfum við ofan í:

Hvað virkar í B2B markaðssetningu
Hvað eru personas, buyers journey og dark funnel
Hvernig búum við til eftirspurn í B2B t.d. með ABM
Hvaða tól eru gagnleg til að ná árangri
Hvaða mælikvarðar eru mikilvægastir

Hvað er þetta ChatGPT og hvernig gagnast það mér?

Thu, 06 Apr 2023 22:00:00 +0000

Í þessum þætti af Gagnarök fara Ómar, Arnar og Ebbi yfir gervigreindartólið sem er á allra vörum - ChatGPT - og hvernig hægt er að nýta það í daglegu lífi eins og að skrifa grein sem hljómar eins og Miley Cyrus eða búa til Metallica gítarriff og í markaðsstarfi við hugmyndavinnu, hönnun, textasmíði og margt fleira góðgæti.

Í þættinum köfum við ofan í:

Hvað er ChatGPT
Hvað er í nýjustu útgáfunni ChatGPT 4
Hvernig er fólk almennt að nota ChatGPT
Hvernig eru markaðsteymi að nota ChatGPT
Hver er munurinn á Google og ChatGPT

Fréttablaðið er fallið - Staðan á birtingamarkaði

Wed, 05 Apr 2023 09:00:00 +0000

Í þessum þætti af Gagnarök fara þau Ómar, Hrafnhildur, sérfræðingur í innlendum birtingum, og Arnar, sérfræðingur í erlendum birtingum, yfir þá staðreynd að Fréttablaðið heyrir nú sögunni til og hvaða þýðingu það mun hafa fyrir auglýsingabirtingar á íslenskum sem og erlendum mörkuðum.

Í þættinum köfum við ofan í:

Hvað eru birtingar og hvernig virka þær
Hvað þýðingu fall Fréttablaðsins hefur fyrir birtingar
Munu erlendar birtingar éta upp þær innlendu
Góð ráð til að ná árangri í birtingum

ÍMARK dagurinn & Lúðurinn 2023

Wed, 29 Mar 2023 22:00:00 +0000

Fyrsti þátturinn af Gagnarök lítur hér með dagsins ljós og heyrir bylgjunnar hljóð. Umfjöllunarefnið að þessu sinni er Lúðurinn & ÍMARK dagurinn - uppskeruhátíð markaðsfólks á Íslandi sem haldin var þann 24. mars 2023.

Þeir Ómar Þór og Andri Már draga andann djúpt og kafa ofan í þetta helsta:

Áhugaverðustu molana úr fyrirlestrum dagsins
Þekktasta vörumerkið á Íslandi
Árangursríkustu herferð ársins
Rjúkandi heitar niðurstöður úr markaðskönnun Maskínu
Valið á markaðsfyrirtæki og auglýsingafyrirtæki ársins
Hvaða auglýsingar báru sigur úr býtum á Lúðrinu